Për rrugën Kukës-Shishtavec janë investuar rreth 28 milionë dollarë, por ky aks sot është i amortizuar.
Gropa të mëdha, mure mbrojtëse të dëmtuara, por edhe shembjet e deformimet e vazhdueshme të asfaltit e bëjnë rrugën të rrezikshme për drejtuesit e automjeteve.
Kontrata për mirëmbajtjen e segmentit të parë prej 11 kilometrash ka përfunduar prej më shume se dy muajsh. Që në dhjetor të vitit të kaluar, kur segmenti i dytë prej 22 kilometrash nga Ura e Zapodit deri në Shishtavec, iu dorëzua Bashkisë së Kukësit.
Por nga kjo bashki thonë se mirëmbajta është kosto e paplanifikuar në buxhetin e saj ndaj i janë drejtuar me kërkesa Ministrisë së Infrastrukturës për inventarizimin e rrugës dhe marrjen se saj në dorëzim nga Autoriteti Rrugor.
Rruga Kukës-Shishtavec lidh më shumë se 14 mijë banorë të Shishtavecit,Topojanit e Zapodit me 16 fshatra që kanë këto njësi.
