Numri i viktimava nga tërmeti prej 7.8 ballë sipas shkallës së Rihterit që goditi sot Ekuadorin është rritur në 77, tha zëvendës/presidenti i këtij vendi, Jorge Glas, raporton Anadolu Agency (AA).
Glas në llogarinë e tij në Twitter ka konfirmuar se përveç viktimave, nga tërmeti janë plagosur të paktën 578 persona.
Presidenti i Ekuadorit Rafael Correa nënshkroi dekret për shpallje të gjendjes së jashtëzakonshme në vend dhe u bëri thirrje qytetarëve të mos bëjnë panik.
Shërbimi Gjeologjik amerikan tha se tërmeti ka zgjatur rreth 40 sekonda dhe epiqendra e tij ishte 27 kilometra në juglindje nga Muisnea, zonë jo shumë e populluar me disa porte peshkimi.
Qeveria thotë se numri i të vdekurve pritet të rritet edhe më shumë, si dhe dëmet materiale janë të mëdha, veçanërisht në zonat bregdetare pranë epiqendrës së tërmetit.
Pas tërmetit është lëshuar paralajmërim për cunami.
