Televizioni shtetëror i Iranit, ka njoftuar se është rrëzuar një aeroplan ushtarak iranian me ç’rast kanë humbur jetën dy pilotë.
Incidenti ka ngjarë më 12 janar rreth 45 milje në perëndim të bazës ajrore Noranark, që gjendet rreth 900 milje në juglindje të kryeqytetit iranian, Teheran.
Raportet thonë se shkaku i incidentit ende nuk dihet dhe se hetimet janë duke u zhvilluar.
Pilotët e vrarë ishin në mision të trajnimit.
Aeroplani i fundit ushtarak në Iran është rrëzuar në korrik të vitit 2014 duke lënë të vdekur dy pilotë .
