Me mbërritjen e kontingjentit të fundit në Turqi gjatë ditës së sotme, vendi ka 1,4 milion doza të vaksinës së koronavirusit BioNTech gati për përdorim, tha ministri turk i Shëndetësisë, Fahrettin Koca, transmeton Anadolu Agency (AA).
“Sot, mbi 700.000 doza të vaksinës BioNTech kanë mbërritur gjithashtu në vendin tonë. Kështu që ne kemi marrë gati 1,4 milion doza të vaksinës që janë gati për përdorim”, tha Koca në Twitter.
Ai tha se Turqia mori rreth 750.000 doza të martën dhe kujtoi se 5.800 doza të vaksinës BioNTech mbërritën javën e kaluar për t’u përdorur për teste.
“Kjo vaksinë do të përdoret për herë të parë në vendin tonë. Vaksina do të administrohet në çdo qendër me kushtet e duhura të ruajtjes”, tha Koca.
Ai tha se vaksinat do të përdoren në Turqi duke filluar javën e ardhshme pasi të kenë përfunduar testet e sigurisë.
Që kur filloi një fushatën masive të vaksinimit kundër COVID-19 më 14 janar, Turqia ka vaksinuar mbi 14,13 milionë qytetarë, sipas shifrave zyrtare.
Mbi 8,15 milionë njerëz kanë marrë dozat e tyre të para, ndërsa gati 6 milionë kanë përfunduar edhe marrjen e dozës së dytë të vaksinës Sinovac të Kinës.
