Arrestimin e dy shtetasve kosovarë në pikën kufitare te Dheu i Bardhë, institucionet e Kosovës i kanë lajmëruar edhe në Komisionin Evropian, për të ndikuar te autoritetet e Serbisë, pasi që pala kosovare nuk ka komunikim të drejtpërdrejtë me Serbinë.
Kështu ka thënë për “Tribuna Shqiptare”, ministri i Punëve të Brendshme, Bajram Rexhepi.
“Këto arrestime janë të padrejta, sigurisht që është një revanshizhëm i pakuptimtë, nuk e respektojnë sundimin e ligjit si duhet. Por, po e interpretojnë në mënyrën e vet, është e papranueshme, mirëpo këto janë raportet tona”, ka thënë Rexhepi. /Telegrafi/kohaislame
