Rektori i USHT-së, Vullnet Ameti përmes një telegram urimi, të gjithë besimtarëve mysliman në emrin e tij personal, në emrin e studentëve dhe USHT-së ua uroi festën e Kurban Bajramit, transmeton zhurnal.mk
“Në emër të studentëve, stafit akademik dhe të punësuarve të tjerë në Universitetin Shtetëror të Tetovës, të gjithë pjesëtarëve të besimit islam ua uroj Festën e Kurban Bajramit.
Kjo festë e flijimit dhe humanizmit urojmë që për besimtarët e fesë islame të sjellë mirësi, begati dhe lumturi.
Kurban Bajrami le të na shërbejë për fisnikërimin e shpirtit, rritjen e besimit në vlerat sublime, shprehjen e solidaritetit e humanizmit ndaj njëri-tjetrit, kultivimin e tolerancës dhe mirëkuptimit, si dhe vlerave të tjera universale të qytetërimit.”, thuhet në telegram urimin e rektorit të USHT-së, Vullnet Ameti
