Para pak çastesh ka mbërri në Aeroportin e Prishtinës, ish-kryeministri dhe ish-komandanti i UÇK-së, Ramush Haradinaj.
Tribunali i Hagës ka marrë vendim për lirimin e përkohshëm të tij deri në përfundim të procesit.
Siç dihet, fjala përfundimtare e palëve në rastin Haradinaj dhe të dy bashkëluftëtarëve të tij, Lahi Brahimaj dhe Idriz Balaj, do të jepet më 25 e 26 qershor, ndërsa procesi pritet të përmbyllet në muajin gusht.
Aleanca për Ardhmërinë e Kosovës, themelues dhe kryetar i të cilës është Haradinaj, kishte lutur sot mediat të mos ndodheshin në pritjen e shumëpritur të tij, për shkak të rregullave që ka vendosur Tribunali me rastin e lirimit të tij./koha/kohaislame
