Drejtuesit e Qeverisë së Kosovës nuk e dinë se dy zyrtarët e lartë qeveritarë, Bujar Bukoshi, zëvendëskryeministër, dhe Astrit Haraqia, zëvendësministër, i kanë ngrirë pozitat e tyre, derisa t’i përfundojnë “telashet” me drejtësinë kosovare.
Muaj më parë, sapo janë ballafaquar me gjyqësorin, zëvendëskryeministri Bukoshi dhe zëvendësministri i Financave Haraqija, kanë deklaruar se pozitat e tyre do të ruhen derisa të përfundojë procesi gjyqësor ndaj tyre. Por, për ruajtjen e pozitës, duket se nuk është i informuar zëvendëskryeministri Hajredin Kuçi, shkruan “Zëri”.
I pyetur nga “Zëri” se mbi çfarë logjike dhe baze ligjore një qeveritar që është duke u përballur me drejtësinë e “ngrin” pozitën e tij dhe sa është demokratike një gjë e tillë, ai ka thënë se nuk ka informata se anëtarët e Listës “Ibrahim Rugova” e kanë ndërmarrë një veprim të tillë.
“Nuk e di unë se i ruajnë pozitat”, është përgjigjur shkurt ai nëpërmjet mesazhit telefonik, duke i rekomanduar gazetës që të marrë mendimin e ndonjë personi tjetër rreth asaj se “si ka mundësi të funksionojë qeveria me vende të rezervuara”.kohaislame
