Qeveria e Kosovës në mbledhjen e sotme ka marr vendim për faljen e borxheve të qytetarëve ndaj shtetit dhe ndërmarrjeve publike nga periudha e pasluftës deri me 31.12.2008.
Gazeta Fjala mëson se vlera e përgjithshme e borxheve që do të falen sillet rreth 200 milion euro. Këtu do të hyjnë të gjitha borxhet e pa paguara të qytetarëve për energji elektrike, ujë, mbeturina, tatimi në pronë dhe obligime tjera ndaj shtetit.
Kryeministri i Kosovës Isa Mustafa në mbledhjen e qeverisë ka deklaruar se do të formoj komisionin që do të trajtoj këtë çështje. Kjo sipas tij po bëhet për përmirësimin e mirëqenies së gjithëmbarshme.
