Qindra pjesëtarë të partive politike pakistaneze Tehrik-e-Insaf (PTI) dhe Xhemat-e-Islami (XHI) kanë organizuar një protestë kundër sulmeve ajrore amerikane, duke bllokuar rrugën në Quetta në veri-perëndim të Pakistanit të enjten.
Demonstruesit i thanë Radios Evropa e Lirë se do të vazhdojnë të protestojnë dhe të bllokojnë rrugën, të paktën, deri të enjten në mbrëmje.
200-300 demonstruesit, në mesin e të cilëve edhe disa pjesëtarë të partive islame, janë tubuar në rajonin Kharotabad të Quetta-s, ku kanë bllokuar rrugën që çon për në qytetin kufitar Chaman.
Anëtarët e PTI dhe XHI po ashtu kanë bllokuar edhe rrugët për furnizim të NATO-s në krahinën veriore Khyber Pakhtunkhva që nga 23 nëntori.
