Pas katër vitesh të masave të kursimit, portugezet do të votojnë sot pa iluzione. Këto zgjedhje parlamentare pritet të jenë vendimtare për koalicionin e qendrës së djathtë në pushtet pozicionuar në krye të sondazheve dhe opozitës socialiste.
Zgjedhësit janë shprehur të gatshëm të udhëhiqen sërish nga aleanca qeveritare e cila e nxori vendin nga ngërçi financiar duke paguar çmimin e daljes nga kriza me masa të ashpra shtrënguese, por pa i ofruar gjithsesi një shumice të re absolute.
“Kam votuar për ata që janë në pushtet. Sot vendi është pak më mirë”, shprehet Domingos Birra, një i moshuar 71 vjeçar në dalje të qendrës së votimit në një lagje të klasës së mesme të Lisbonës.
“Asgjë nuk do të ndryshojë rrënjësisht, periudha e kursimit do të vijojë ende”, komentoi Manuel Augusto, 75 vjeç i cili ia dha votën Partisë Socialiste, në një lagje popullore të kryeqytetit.
Koalicioni në pushtet që prej vitit 2011, i drejtuar nga kryeministri Pedro Passos Coelho është kredituar me 37,5 për qind të votave kundrejt 32,5 për qind të Partisë Socialiste e drejtuar nga Antonio Costa, ish-bashkiaku i Lisbonës sipas një mesatareje të sondazheve të fundit.
“Ndihem mjaft i qetë në pritje të verdiktit të popullit”, deklaroi Passos Coelho duke u shprehur në gjuhën angleze para gazetarëve të huaj pas votimit në Massama, një zonë mjaft e njohur në periferi të Lisbonës.
“Kemi përjetuar një periudhë mjaft të vështirë në këto katër vite, me shumë sakrifica. Kam besim të plotë në funksionin që kam përmbushur”, shtoi ai i qetë i shkujdesur me veshje linoje, larg protokollit zyrtar.
“Është e paimagjinushme ka disa muaj e rritjes së aleancës mes Partisë social-demokrate (PSD-së, qendra e djathtë) dhe CDS-së e djathta duket se i ka zënë në befasi socialistët pasi kjo forcë është favorite në sondazhe që prej vjeshtës së vitit 2012.
E djathta ia ka dalë mbanë nëpërmjet përcjelljes së mesazhit se kthimi në pushtet i socialistëve do ta çonte vendin drejt rrënimit si në vitin 2011”, komentoi për median polit ologu, Antonio Costa Pinto.
