Popullsia myslimane në Evropë do të shumëfishohet edhe nëse të gjitha migrimet ndalen përgjithmonë, ka gjetur një studim. Nga ana tjetër, migrimi i lartë do të bëjë që numri i myslimanëve që banojnë në Evropë deri në vitin 2050 të arrijë në 75 milionë.
Aktualisht sipas qendrës kërkimeve Pew,numri i myslimanëve në Evropë arrin në 25.8 milionë. Studimi duke përmendur një spektër të plotë të të dhënave, është një përpjekje për të parë se si madhësia e popullsisë myslimane të Evropës mund të ndryshojë në dekadat e ardhshme, në varësi të nivelit të migrimit.
Nga tre skenarët-zero, i moderuar dhe i lartë- kërkuesit rane ne perfundim se numri i myslimanëve në Evropë do të rritet në çdo rast migrimi por edhe nëse nuk ka migrim dhe shkak është “pjelloria e lartë”, një fëmijë më shumë për grua, se sa evropianët e tjerë, duke pasqyruar kështu një model global.
Sipas një skenari të parë “migrimi zero”, popullsia myslimane e Evropës ende pritet të rritet nga niveli aktual prej 4.9 për qind në 7.4 për qind (afërsisht 36 milionë) deri në vitin 2050.
