Policia e Kosovës planifikon që vitin e ardhshëm (2013) të blejë dy helikopterë për nevojat e saj.
“Fillimisht kemi paraparë që të furnizohemi me dy helikopterë të mesëm, dymotorësh.
Po e them me dy motorë sepse në ligjet e aeronautikës nuk lejohet të fluturohet përmbi qytete me fluturaken me një motor”, deklarojnë në Ministrinë e Punëve të Brendshme.
Në MPB po ashtu thonë se vitin tjetër (2013) janë planifikuar 11 milionë euro, kurse në 2014 janë të parapara 14 milionë.
“Me shumën e 11 milionëve ne mund t’i blejmë 2 helikopterë dymotorësh me pajisje dhe mundësi intervenuese”, thotë zëvendësministri i Punëve të Brendshme, Ismet Ibishi, për revistën zyrtarë të Policisë.
Helikopterët do të ndihmojnë në kontrollimin më të mirë të vijës kufitare, në luftimin më të lehtë të krimit të organizuar e madje edhe në rastet më të rënda në evitimin e katastrofave nga zjarri e të tjera të ngjashme.kohaislame
