Presidenti Meta ka vlerësuar revistën “Zani i Naltë”, organi tradicional i Komunitetin Musliman Shqiptar që prej themelimit, në 95-vjetorin e tij.
“’Ne jemi një vend evropian, shkruhej në revistën ‘Zani i Naltë’, dhe si i tillë duhet të marrim nga qytetërimi perëndimor gjithçka është e mirë’. Kjo vlen edhe sot.
Regjimi ateist komunist e goditi dhe e ndaloi fenë! Shkatërroi xhami e kisha. Persekutoi klerikë dhe besimtarë, por nuk mundi të mposhtte besimin e shqiptarëve te Zoti”, u shpreh Meta gjatë një ceremonie përkujtimi e vlerësimi.
Më tej, kreu i shtetit vlerësoi rolin e muslimanëve shqiptarë në formësimin e shtetit.
“Përgjatë këtij rrugëtimi shqiptarët muslimanë kanë luajtur një rol vendimtar në të gjitha proceset shtet-formuese që ka kaluar vendi ynë duke përmendur në mëyrë të veçantë Lidhjen e Prizrenit, gjithë periudhën e Rilindjes Kombëtare, Kongresin e Manastirit, dhe madje ata kanë qenë ndër frymëzuesit kryesorë dhe mbështetësit e kryengritjeve të mëdha, të cilat sollën edhe Pavarësinë e vendit”, tha Meta. /tesheshi.com/
