Në veri të Mitrovicës, në rreth-rrotullimin kryesor, është vendosur mbrëmjen e kaluar një përmendore e princit serb, Llazar, e lartë 7.5 metra.
Është paraparë që përmendoren ta zbulojë drejtori i Zyrës për Kosovën në Qeverinë e Serbisë, Marko Gjuriq, më 28 qershor, kur edhe shënohet Dita e Shën Vidit, apo siç e quan komuniteti serb “Vidovdan”.
Vendimin për ngritjen e këtij monumenti e ka marrë shumica e këshilltarëve të Kuvendit Komunal të Mitrovicës së Veriut, por me kundërshtimin e këshilltarëve të komuniteteve jo serbe.
Monumenti, siç kanë thënë ata, është financuar nga donatorët.
