Kundërshtarët e presidentit egjiptian Muhamed Morsi janë përleshur me përkrahësit e tij të premten në Kajro, në atë që është thënë të jetë incidenti i parë i tillë, që kur presidenti islamik mori pushtetin dy muaj më parë.
Në sheshin Tahrir të Kajros, grupe rivale të rinjsh hodhën gurë dhe shishe boshe ndaj njëri-tjetrit, ndërkohë që demonstrata të vogla janë raportuar në zona të tjera të kryeqytetit.
Kundërshtarët akuzojnë Morsin dhe Vëllazërinë e tij Myslimane se po kërkojnë të monopolizojnë pushtetin.
Ministria e Brendshme të premten bëri paralajmërime kundër “trazirave” dhe vendosi forca të sigurisë rreth pallatit presidencial për të parandaluar afrimin e protestuesve.
Në një nga lëvizjet e tij të para pas marrjes së detyrës në qershor, Morsi urdhëroi pensionimin e gjeneralëve të lartë që kishin udhëhequr Egjiptin që nga rrëzimi i ish-presidentit Hosni Mubarak dhe anuloi një dekret i cili i dha kompetenca legjislative ushtrisë.
