Lidershipi i Universitetit i Prishtinës për çdo të tretën ditë pune ka shpenzuar shuma treshifrore parash në dreka zyrtare. Mbi 500 euro është shpenzimi mesatar për secilën drekë të organizuar.
Eshtë siguruar të mërkurën një dokument të Ministrisë së Financave që tregon se këtë vit 16.380,42 euro kanë dalë nga buxheti i UP-së për të paguar drekat. Më e lira kishte kushtuar 70 euro, e më e shtrenjta 1.833 euro. Janë 32 dreka të shtruara këtë vit nga UP-ja.
Zyrtarët e Rektoratit nuk kanë treguar qëllimin e organizimit të këtyre drekave zyrtare. Ferdane Llonçari, këshilltare e rektorit Mujë Rugova, ka thënë se përgjigjja duhet marrë nga drejtori i financave, Ilir Hajdari, por ky ka thënë se gjithçka duhet të shkojë nëpërmjet Llonçarit. Pas kësaj, Llonçari ka thënë se pyetjet duhet adresuar në e-mail…/koha/kohaislame
