Departamenti amerikan i Mbrojtjes (Pentagon) njoftoi se ka filluar me tërheqjen e disa pajisjeve ushtarake nga Siria.
Një zyrtarë i Pentagonit në prononcimin e tij të bërë në kushte anonimiteti tha se “Unë konfirmoj që kemi filluar me tërheqjen e disa pajisjeve nga Siria”.
Për shkak të shqetësimeve operacionale zyrtari në fjalë nuk deshi të japë detaje për llojin e pajisjeve apo nga cili vend ka filluar tërheqja e tyre.
Ndërkaq kanali televiziv amerikan “CNN” pretendoi se Komanda e Forcave Qendrore Amerikane (CENTCOM) ka përcaktuar anijet dhe avionët që do të përdoren gjatë tërheqjes.
Procesi i tërheqjes ka filluar pas vendimit të Presidentit Donald Trump të marrë më 19 dhjetor 2018.
Ky vendim i Trumpit shkaktoi dorëheqjen e Sekretarit amerikan të Mbrojtjes, Jim Mattis.
Disa ditë para se të largohet nga detyra e tij më 1 janar, Sekretari Mattis kishte urdhëruar forcat e ShBA-së të fillojnë me procesin e tërheqjes.
