31 janari është data e fundit deri kur partitë politike në vend kanë kohë t’ia paguajnë borxhin prej 360 mijë eurosh PZAP-it për gjobat e shqiptuara gjatë zgjedhjeve të 6 tetorit të vitit të kaluar.
Gati katër muaj pas zgjedhjeve të 6 tetorit partitë politike në vend kanë dështuar t’i kryejnë obligimet financiare ndaj Panelit Zgjedhor për Ankesa dhe Parashtresa (PZAP).
Shqiptimi i gjobave për partitë politike u kushtoi atyre mbi 360 mijë euro, teksa vetëm disa parti kanë filluar pagesat e tyre.
Katër parti i kanë paguar në tërësi ato, një parti ka paguar gati gjysmën e borxhit dhe shtatë të tjera nuk kanë paguar ende asnjë cent, shkruan Zëri.
Në rast që të njëjtat nuk i paguajnë gjobat në kohën e përcaktuar PZAP-i mund ta iniciojë procedurën e përmbarimit.
