Zëdhënësi i OKB-së, Stephane Dujarric në një deklaratë që bëri të enjten e vlerësoi si një vendim të mençur vendimi e presidentit amerikan, Donald Trump për të mos zhvendosur për momentin ambasadën e ShBA-së nga Tel-Avivi në Jerusalem.
Vendimi i presidentit amerikan, Donald Trump për të mos zhvendosur për momentin ambasadën e SHBA-së nga Tel Avivi në Jerusalem është një vendim i mençur, vlerësoi të enjten zëdhënësi i OKB-së, Stephane Dujarric.
Ai përsëriti se “për OKB-në statuti i Jerusalemit është një problem thelbësor që mund të zgjidhet vetëm nga negociata politike të konfliktit izraelito-palestinez”.
“Sekretari i Përgjithshëm shpreson se ky vendim mund të kontribuojë për të lehtësuar rifillimin e një procesi të vërtetë paqeje”, shtoi ai.
Donald Trump nënshkroi të enjten një klauzolë të veçantë që mundëson qëndrimin e ambasadës amerikane në Tel-Aviv edhe gjashtë muaj të tjerë, në përputhje me praktikën e të gjithë presidentëve amerikanë paraardhës, të cilët që prej fundit të vitit 1990 firmosin çdo gjashtë muaj këtë klauzolë.
