Një tërmet 6 ballë godet Indonezinë

Një tërmet me fuqi prej 6 ballë sipas shkallës së Rihterit ka goditur rajonin Java Lindore të Indonezisë, transmeton Anadolu Agency (AA).

Shërbimi Gjeologjik Amerikan (USGS) njoftoi se tërmeti ndodhi 44 kilometra në jug-perëndim të Gongdanglegi Kulon. Tërmeti është regjistruar në një thellësi prej 82.3 kilometra.

Deri më tani nuk ka asnjë informacion mbi viktima të mundshme apo dëme materiale.

Agjencia Shtetërore për Meteorologji, Klimatologji dhe Gjeofizikë (BMKG) e Indonezisë tha se tërmeti ishte 6.7 ballë sipas Rihterit.