Transmetohet nga Omer ibn Hattabi r.a se ka thënë: “I Dërguari i Allahut s.a.v.s na urdhëroi të ndajmë nga pasuria jonë. Pasi që kisha pasuri mendova dhe thash:
“Nëse ndonjëherë mund t’ia kaloj Ebu Bekrit në punë të mira, tani është momenti”.
Shkova tek i Dërguari i Allahut s.a.v.s dhe ia dhashë gjysmën e pasurisë, e ai më tha:
“Çka i ke lënë familjes tënde?” – U kam lënë kaq dhe kaq, u përgjigja.
Më vonë erdhi Ebu Bekri me gjithë pasurinë që e kishte, ndërsa i Dërguari i Allahut e pyeti: “Çka i ke lënë familjes tënde? Ai u përgjigj: “I kam lënë Allahun dhe të Dërguarin e tij.”
Atëherë thash: “Pasha Zotin, asnjëherë dhe në asgjë nuk mund ta kaloj Ebu Bekrin.”
(Tirmidhiu me sened të vërtetë).
(Islampress)
