Ish presidenti francez, Nicolas Sarkozy, ka thënë se përkrah idenë e ndalimit të hixhabit nëpër universitete në emër të sekularizmit. Gjithashtu ai dëshiron që restorantet shkollore duhet të ndalojnë me shërbimet alternative për arsye fetare.
Duke u thirrur në ligjin e vitit 2004, i cili ndalon simbolet fetare në shkollat publike, Sarkozy thotë se është e pakuptimtë që hixhabi të ndalohet në shkollat fillore dhe të mesme, e të lejohet në universitete.
Ai thotë se kundërshton edhe të ashtuquajturat ushqime alternative ku në bazë të fesë nxënësit zgjedhin se çfarë të hanë.
Me 6 mars kryeministri francez, Manuel Valls, tha se ndalimi i hixhabit nëpër universitete nuk është në rend dite.
