Pas një udhëtimi të gjatë nga kaosi i luftës civile siriane për të ndjekur arsimin e lartë në Londër, një 19-vjeçar sirian në një bisedë me (AA ka ndarë përjetimet e tij në luftën tetë vjeçare, problemet me të cilat u përballen refugjatët dhe përpjekjet e Turqisë për të ndihmuar këtë rajon të prekur nga lufta.
Duke shënuar 18 Dhjetorin, Ditën ndërkombëtare të migrantëve, siriani Ishmael Hamoud tregon si ai udhëtoi në mënyrë të paligjshme nga Siria për në Mbretërinë e Bashkuar për të vazhduar arsimin e tij. Aktualisht ai studion politikën globale dhe marrëdhëniet ndërkombëtarë në Universitetin Birkbeck të Londrës.
Shkolla e mesme e refugjatit sirian përfundoi qysh në moshën e tij 15-vjeçare, pasi shkolla e tij u mbyll nga shkaku i luftës civile në Siri, gjë që e detyroi atë të braktiste vendit. Për të vazhduar studimet ai vendosi të lëshonte vendlindjen e tij, Halepin.
“Dukej e pamundur të udhëtoja në Evropë në moshën time, por vendosa të largohem për të vazhduar shkollimin tim”, thotë Ishmael.
Largimi i tij nga vendi ishte i vështirë, pasi ai lindi në një familje aristokratike thellësisht kundër regjimit të Bashar al-Assadit. Ai ishte i shqetësuar për jetën e familjes së tij, por pasi bisedoi me familjen për largimin e tij, Ishmaeli filloi udhëtimin e rrezikshëm me pak para të gatshme në dorë.
Ishmael kaloi kufirin në jug të Turqisë falë politikave të “dyerve të hapura” të qeverisë turke dhe vazhdoi drejt kryeqytetit Ankara, qindra kilometra larg.
Rreth dy muaj më vonë, ai udhëtoi në Izmir, në Turqinë e Egjeut, rajon i cili ishte qendër për migrantët dhe refugjatët e parregullt që synonin të kalojnë në mënyrë të paligjshme në ishujt grekë dhe më pas në Evropë.
Kur Ishmaeli mbërriti në Izmir, ai kontaktoi me kontrabandistët me ndihmën e refugjatëve të tjerë.
“Nga Izmiri në Greqi kalova me një varkë, por gjithçka ishte e paligjshme”, tregon Ishmaeli, i cili pavarësisht tragjedive të shumta që u ndodhin refugjatëve në Detin Egje, ai përfundoi me fat.
“Përpjekja ime e parë për të kaluar ishte e suksesshme. Nuk kisha telashe, por isha i obliguar të shkoja nga Greqia në Francë. Kështu që kam udhëtuar nëpër Maqedoni, Hungari, Austri, Gjermani, Francë, duke përdorur të gjitha llojet e mundshme të transportit, si trenat, autobusët dhe ndonjëherë duke ecur në këmbë”, shpjegon Ishmaeli.
Siria ka qenë e bllokuar nga një luftë civile që nga fillimi i vitit 2011, kur regjimi i Assadit u përpoq të shuaj me dhunë protestat pro-demokratike.
Sipas shifrave të Kombeve të Bashkuara (OKB), qindra mijëra njerëz janë vrarë dhe mbi 10 milionë të tjerë janë shpërngulur.
Pas një muaj e gjysmë udhëtimi i tij përfundoi në kampin e refugjatëve në Calais, në veri të Francës, përballë qytetit bregdetar anglez Dover, një kamp i cili ka pësuar nga një reputacion i keq. Ishmael tha se migrantët në kamp e quanin vendin “xhungëll”.
Ishmael qëndroi në kamp për 13 muaj, por tha se do të ishte e padrejtë të krahasohet Turqia me atë “xhungllën”.
“Turqia i bën njerëzit të jetojnë në kushte shumë të mira. Kampet kanë gjithçka që u nevojiten refugjatëve, si institucionet arsimore, shërbimet mjekësore e infrastrukturore, të cilat furnizohen plotësisht dhe në mënyrë shumë komode”, tha Ishmael.
Ishmael me varkë u përpoq disa herë të arrinte në Mbretërinë e Bashkuar, por ai u kap shumë herë.
Vetëm disa javë pasi u kap dhe u kthye përsëri në Calais, Ishmael u pranua në Mbretërinë e Bashkuar nën një ligj britanik i njohur si “amandamenti i Dubs-it”, një ndryshim i vitit 2016 në Ligjin e emigracionit i cili u mundësonte fëmijëve refugjatë të pashoqëruar kalimin e sigurt në Britani në mes të krizës evropiane të migrantëve.
Ky amendament u mundësoi 3 mijë fëmijëve të kërkojnë azil në Mbretërinë e Bashkuar, por më vonë u anulua për shkak të keqmenaxhimit.
Falë ligjit, Ishmaeli ishte një nga rreth 350 fëmijët refugjatë që shkuan në mënyrë të paligjshme në Mbretërinë e Bashkuar, duke e afruar atë një hap më afër ëndrrës së tij.
Pavarësisht viteve të tij në kampe refugjatësh dhe në rrugë pa ndonjë arsim, ai fitoi një vend në Departamentin e Politikës të Universitetit Birkbeck të Londrës.
Duke ndarë ambiciet e tij, Ishmaeli theksoi se, “Dua të jem diplomat që të mund të punoj në politikën e Lindjes së Mesme dhe të krijojë një të ardhme më të mirë për popullin sirian”.
Që të zgjidhni rrugë të ndryshme nga të tjerët, Ishmael thotë se kërkon disa sakrifica. Ai shtoi se lufton të qenurit i vetëm dhe i mungon familja e tij.
“Flas me familjen time përmes telefonit. Të kthehem në vendin tim nuk është një opsion për mua, sepse sipas ligjit britanik, nuk mund të kthehesh prapa në vendin nga keni ardhur”, thotë Ishmael.
Por sipas tij, Turqia është si një shtëpi e dytë dhe vend takimi për shumë refugjatë sirianë që nuk mund të vizitojnë Sirinë.
“Turqia nuk është vetëm një vend takimi, ajo u bë një shtëpi e dytë për popullin sirian. U takova me familjen time Krishtlindjet e fundit. Shkova në Ankara dhe ata erdhën atje nga Siria, ku ne u takuam”, tha Ishmael.
Ai theksoi rëndësinë e Turqisë për refugjatët sirianë në Turqi dhe në mbarë botën, duke shtuar se, “Asnjë vend tjetër në botë nuk ka punuar më shumë se Turqia për popullin sirian”.
Ishmael po ashtu vlerësoi operacionet kundër-terroriste të Turqisë në Sirinë veriore, që janë zhvilluar gjatë viteve të fundit për krijimin e një zone të sigurtë për popullin sirian. Sipas tij, ky është një hap i mahnitshëm.
“Ky është hapi i parë për pastrimin e rajonit kufitar nga terroristët. Shpresojmë, populli sirian në Turqi që jeton në kampe të mund të kthehet në Siri dhe të fillojnë të punojnë për të rindërtuar shtëpitë e tyre”, tha ai.
Ishmael aktualisht punon në Parlamentin Britanik me 87-vjeçarin Alf Dubs, një anëtar i Dhomës së Lordëve. Ai shpreson të ndihmojë njerëzit e tjerë që kanë probleme të ngjashme me ato të cilat ai u përball.
Turqia është vendi i parë në botë për numrin më të madh të refugjatëve të strehuar dhe miratoi një politikë me “dyer të hapura” për sirianët pas shpërthimit të luftës së përgjakshme në vitin 2011.
Që atëherë, gati katër milionë sirianë janë larguar nga vendi i lodhur nga lufta, duke u strehuar në Turqi.
Viteve të fundit, qeveria turke filloi tre operacione kundër-terroriste në Sirinë veriore, atë “Mburoja e Eufratit”, “Dega e Ullirit” dhe “Burimi i Paqes”.
Të gjitha kishin për qëllim të sigurojnë kufijtë e Turqisë, ndërsa veçanërisht ky i fundit i filluar më 9 tetor synon të ndihmojë kthimin e sigurt të refugjatëve sirianë dhe të garantojë integritetin territorial të Sirisë.
