Vizitorët e ekspozitës së 43-të të automjeteve “Tokyo Motor Show 2013”, që u hap sot në Japoni, do të mund të shikojnë makinat e së ardhmes së afërt me motorë me hidrogjen të pastër, makinat ekonomike me pak karburant që po bëhen sa vjen e më të kërkuara në treg, si dhe makinën elektrike me 3 rrota pa timon.
Në Motor Show-un e këtij viti marrin pjesë 32 kompani japoneze dhe të huaja.
“Tokyo Motor Show” zhvillohet 1 herë në çdo dy vjet që prej pothuajse një gjysmë shekulli. Ekspozita e parë e automjeteve në kryeqytetin japonez u hap në vitin 1954.
