Në Beograd kanë vdekur edhe dy pacientë në Klinikën e sëmundjeve infektive nga ndezja e trurit, të shkaktuar me gjasë nga virusi i Nilit Perëndimor, njofton gazeta “Blic”.
Sipas gazetës, transmeton QIK-u, nëse konfirmohet se edhe tek këta pacientë vdekja është shkaktuar nga ky virus, në Serbi zyrtarisht do të regjistrohen pesë viktima të kësaj sëmundjeje që e bartin mushkonjat.
Personat që kishin vdekur gjatë fundjavës ndodheshin nën kujdesin intensiv për shkak të ndezjes së trurit dhe ishin në komë. Ndërkohë ende nuk kanë përfunduar analizat në institutin për virusolgji dhe imunologji “Torllak”./koha/kohaislame
