Këshilltari i Kryeministrit të Libisë, Mohammed Al-Ghattous, u rrëmbye nga persona të panjohur në makinën e tij në rrethinat e Tripolit. Informacioni mbi rrëmbimin e tij u bë i ditur vetëm disa orë pasi Qeveria e Libisë njoftoi se ka marrë kërcënime.
Javët e fundit në Libi janë shtuar rastet e rrëmbimit dhe kërcënimit të zyrtarëve. Qeveria nuk është ende në gjendje të marrë nën kontroll grupet e militantëve, që u formuan gjatë luftës për rrëzimin nga pushteti të kolonel Muammar Kadaffit.
