Në Jemen shperthejne protesta anti-amerikane

Dhjetëra mijëra qytetarë jemenas kanë protestuar në qytetin Sadabe ku kanë kundërshtuar ndërhyrjet e Amerikës në çështjet e brendshme të këtij vendi.
Lajmi është bërë i ditur nga kanali televiziv Press TV i cili njofton se protestuesit kanë akuzuar Amerikën për mbajtjen në pushtet të disa funksionarëve besnikë ndaj ish-diktatorit Abdullah Saleh dhe duke i dhënë imunitet këtij të fundit në shkëmbim të transferimit të pushtetit, si dhe për “vjedhjen” e revolucionit qytetar në këtë vend. Protestuesit kanë thënë se ky vend ende është shumë larg realizimit të kërkesave të revolucionit, prandaj kanë kërkuar nga qeveria e Jemenit që të pastrojë strukturat shtetërore nga elementë të regjimit diktator të përmbysur në këtë vend. Protestuesit jemenas gjithashtu kanë dënuar edhe sulmet e avionëve amerikanë pa pilotë mbi rajone të ndryshme të këtij vendi të cilët gjatë sulmeve ushtarake, kanë vrarë një numër të konsiderueshëm civilësh jemenas.