Kryeministri i Kosovës, Isa Mustafa, duke iu përgjigjur pyetjeve të deputetëve ka thënë se ata nuk mund të ndikojnë se me cilat çështje do të merret Gjykata Speciale, e cila dihet se do t’i shqyrtojë dyshimet e ngritura nga raporti i Dik Martit.
Mustafa duke iu përgjigjur pyetjes së deputetes Donika Kada Bujupi, e cila tha se ai po mundohet të ndikoj që Gjykata të mos shqyrtoj çështjen e fondit të tre për qindshit, sipas të cilës ka pas keqpërdorime të mjeteve të bashkatdhetarëve, tha se asnjë negocim i Qeverisë së Kosovës nuk ka me gjykatën sepse ajo nuk është themeluar akoma dhe dihet se do të shqyrtojë raportin e Dik Martit dhe askush nuk mund të shtoj ose të hiç çështjet që do të shqyrtojë kjo gjykatë.
“Ti mos u brengos me për atë çështje sepse kur të shtrohet çështja e 3 %, unë jam përgjegjës për veprimet e mija dhe do të jap llogari”, ka thënë Mustafa.
Ndërsa, duke folur për transparencën se ku janë mjetet e 3 %, Mustafa tha se ato janë mjete që janë mbledhë për pavarësinë e Kosovës dhe askush nuk ka garantuar që do t’i kthehen ato mjete, kurse transparenca është dhënë kuvendit të atëhershëm.kohaislame
