Ndoshta ty të ka goditur njëra nga këto apo disa, ndërsa të dërguarin e Allahut e kanë goditur që të gjitha. Andaj, duro!
– A të kanë vdekur të dy prindërit?
I dërguari i Allahut, Muhamedi alejhi selam, është rritur jetim.
– A të ka vdekur ndonjë fëmijë?
Të dërguarit të Allahut i kanë vdekur të gjithë fëmijët sa ka qenë gjallë, përveç Fatimes, Allahu qoftë i kënaqur me atë.
– A të ka akuzuar dikush në nderin tënd?
I dërguari i Allahut është akuzuar për nderin e gruas së tij, Aishes, Allahu qoftë e kënaqur me atë.
– A të është ngushtuar kjo botë dhe nuk ke pasur furnizimin e një dite?
Në shtëpinë e të dëguarit të Allahut nuk është ndezur zjarri një muaj.
– A ke borxhe?
Ka vdekuar i dërguari i Allahut, ndërsa mburoja e tij ishte hipotekë tek çifuti.
– A je kërcënuar me vdekje?
I dërguari i Allahut ishte i kërcënuar nga çifutët dhe paganët.
– A je nënçmuar ndonjëherë nga ndokush?
Të dërguarit të Allahut ia kanë vendosur zorrët e deves mbi atë.
– A i bart peripetitë dhe telashet e një çështjeje?
I dërguari i Allahut ka bartur dertin e davetit dhe mesazhit.
– A të ka përgënjeshtruar ndokush dhe ta ka refuzuar fjalën tënde?
Të dërguarin e Allahut e ka përgënjeshtruar populli i tij dhe ia kanë refuzuar fjalën e tij.
– A je akuzuar për diçka që nuk e ke vepruar?
I dërguari i Allahut është akuzuar për magji dhe çmenduri.
– A je lodhur nga adhurimi?
Të dërguarit të Allahut iu janë ënjtur këmbët nga namazi i natës.
Përsëri: Ndoshta ty të ka goditur njëra nga këto apo disa, ndërsa të dërguarin e Allahut e kanë goditur që të gjitha. Andaj, duro!
Përshtati: Hoxhë Valdet Kamberi
/kohaislame
