Një tjetër viktimë është shënuar si rrjedhojë e motit të ftohtë, këtë herë në Gramsh.
38 vjeçari Orgest Daja është gjetur pa ndjenja në oborrin e banesës së tij mes akullit, prej nga është dërguar me urgjencë në spital, ku dhe ka gjetur vdekjen në duart e bluzave të bardha.
Burime zyrtare nga policia thanë se Daja vuante nga problemet në zemër dhe se moti i ftohtë dhe temperaturat e ulëta kanë ndikuar në përshpejtimin e fundit fatal.
Pak ditë më parë një tjetër person Rauf Pepa i moshës 68 vjeçare gjeti vdekjen në Elbasan nga i ftohti, i cili u gjet përtokë në njërën prej rrugëve të qytetit./Ind/kohaislame
