Mënyrave të pastrimit të veshëve nga brenda, i ka ardhur fundi. Po po, nuk do të dukeni si pisanjosë nëse nuk i pastroni veshët, pasi mjekët thonë se veshët pastrohen vetë.
Përkundrazi, pastrimi me shtupa pambuku është jo vetëm i pashëndetshme por edhe i rrezikshëm.
Sipas mjekëve, dylli i veshit është vetë i butë dhe si rrjedhim ai del vetë jashtë. Për këtë arsye mjekët sugjerojnë që pastrimi i veshëve të mos bëhet në brendësi, por vetëm në pjesën sipërfaqësore të tij.
Duke e pastruar veshin në brendësi, ne nuk bëjmë gjë tjetër veçse e shtyjmë dyllin më thellë në vesh, dhe kjo nuk është aspak e shëndetshme.
Bllokimi nga dylli është një nga shkaqet më të shpeshta të humbjes së dëgjimit. Gjithashtu, duke ngacmuar kanalin e veshit krijohen gjasat për dëmtimin ose çarjen e daulles së veshit.
Dylli në vesh ekziston për një arsye: Për të mbrojtur veshët nga pluhuri, grimcat e vogla dhe bakteret. Dylli mbron edhe lëkurën delikate të kanalit të veshit nga ngacmimet ose pezmatimet nga uji gjatë larjes.
Pra shprehja “pastro veshët” tashmë nuk duhet konceptuar si më parë, por duhet kuptuar vetëm si “pastro me kujdes pjesën e jashtme të veshëve duke përdorur një peshqir të lagur me ujë e sapun dhe pastaj thjesht fshije me peshqir të thatë”.kohaislame
