Një delegacion i VMRO DPMNE-së në të cilin kanë qenë Antonio Milloshoski dhe Nikolla Popovski kanë qëndruar në Prishtinë për të kërkuar ndihmë nga kryeparlamentari kosovar Kadri Veseli, të ndikojë që Lëvizja BESA të mos bëjë presion ndaj BDI-së që të mos shkojë në koalicion me VMRO-DPMNE-në. Burime nga Prishtina thonë se Milloshoski dhe Popovski i kanë thënë Veselit se BDI është e gatshme të futet në koalicion me VMRO-DPMNE-në, por se frikohet nga reagimet e Lëvizjes BESA.
Ata kanë kërkuar nga Veseli që të ndikojë te Besa të mos jetë e ashpër në qendrimet e saj ndaj koalicionimit të Ahmetit me Gtuevskin. Veseli është përgjigjur se nuk ka ndikim te Lëvizja Besa. Këto informacione pjesërisht i kanë konfirmuar edhe burime anonime për portalin Libertas.
