Drejtori i të ashtuquajturës Zyra për Kosovë në Qeverinë e Serbisë, Marko Gjuriq, do të vijë në Kosovë deri më 20 prill, shkruajnë mediat serbe, duke cituar burime në qeverinë serbe.
Sipas tyre, përcjell Telegrafi, për 20 prill u njoftua se serbët nga Kosova do të fillojnë formimin e Komunitetit të Komunave Serbe dhe burimet e kësaj liste kanë treguar se Gjuriq, si drejtor i zyrës, është i detyruar të udhëtojë në Kosovë.
“Ata nuk donin të specifikonin kur është planifikuar udhëtimi i ardhshëm, por me siguri, siç na është thënë, do të ishte e mundur që ai të shkojë më së voni më 20 prill, kur u njoftua se serbët nga Kosova do të fillojnë formimin e një komuniteti të komunave serbe. Sipas bashkëbiseduesve tanë, pavarësisht nga arrestimi i tij të hënën, Gjuriq, si drejtor i zyrës së Kosovës, është i detyruar të udhëtojë në Kosovë”, citohet burimi i Danas.
Policia e Kosovës të hënën ia kishte mësyrë ndërtesës së gjykatës së Mitrovicës në pjesën veriore të Mitrovicës, ku Gjuriq ishte në takim me serbët e Kosovës.
Ata arrestuan Gjuriqin, i cili më pas u mor në pyetje në Prishtinë dhe u deportua në Serbi.
