Kryeministri malajzian Mahathir Muhamed tha se bota myslimane ishte “në një gjendje krize” dhe kërkoi zgjidhje “të zbatueshme” në një fjalim në hapjen e një samiti të shteteve me shumicë muslimane në Kuala Lumpur.
“Ne të gjithë e dimë se muslimanët, besimi i tyre dhe vendet e tyre janë në një gjendje krize. Ne shohim kudo që shtetet muslimane po shkatërrohen, qytetarët e tyre janë duke u detyruar të ikin e detyrohen të kërkojnë shpëtim në vendet jo-muslimane”, tha Mahathir.
Kryeministri 94-vjeçar theksoi se shumë kombe muslimane, ndërsa kombe të tjera u shëruan dhe u zhvilluan pas shkatërrimit të Luftës së Dytë Botërore, “nuk kishin administratën e duhur, e lëre më të zhvilluara dhe të përparuara”.
Ai shtoi se “luftërat vëllavrasëse, luftërat civile, qeveritë e dështuara dhe shumë fatkeqësi të tjera” vazhdojnë të kërcënojnë shtetet muslimane dhe Islamin “pa parë një përpjekje serioze për t’i dhënë fund; ose lehtësuar ato, ose rivendosur fenë”.
Por ndërsa u kërkua një unifikim i vendeve me shumicë muslimane për të adresuar këto çështje, disa vende – përfshirë Arabinë Saudite dhe Pakistanin – kanë munguar në samit, të cilin disa e shohin si gjithnjë e më konkurrues me Organizatën për Bashkëpunim Islamik (OIC).
Të martën, Pakistani njoftoi se po tërhiqej nga samiti, duke përmendur shqetësimet e Arabisë Saudite se ky organizim mund të “ndante” botën muslimane.
Presidenti i Indonezisë, Joko Widodo, i cili ishte planifikuar si folës, gjithashtu nuk erdhi, por u tha se mungesa ishte për arsye shëndetësore. /tesheshi.com/
