Dyqani virtual i aplikacioneve për kompjuterët e Apple, MacApp Store, thuhet se ka arritur në mbi 10,000 aplikacione.
Me gjithë pohimet të cilat vijnë nga palët e treta, Apple refuzon t’i komentojë këto shifra.
Sipas statistikave të faqes franceze, MacGeneration, Apple sot e ka arritur edhe një rekord sa i përket aplikacioneve në dyqanin e saj virtual për kompjuterët Mac, MacApp Store, pasi që sipas tyre, numri i aplikacioneve ka arritur në 10,334.
Apple e ka lansuar dyqanin e aplikacioneve për Mac më 6 janar 2011, si një tentativë për ta përsëritur suksesin e saj për aplikacionet në platformën iOS.
Në dhjetor të vitit 2011, Apple pati deklaruar se aplikacionet e saj për kompjuterët Mac janë shkarkuar mbi 100 milionë herë, për tu bërë “platforma me rritjen më të shpejtë të aplikacioneve në botë”.
