Lutje për sukses në studime – Hoxhë Bekir Halimi
Lutje për sukses në studime
O Allah! Kujdesu për mësimet që i kam mësuar përmendsh, i kam lexuar edhe i kam përsëritur, mi jep atëherë kur kam më së shumti nevojë për to!
O Allah! Mi hap diapazonet e dijes, më jep kujtesë të fuqishme, përkujtim të shpejtë, sepse Ti je i Gjithëmundshëm!
O Allah! Të lus me Emrin tënd më të Madh që të më japësh mendje të kthjellur, fuqi për studim, memorizim dhe përkujtim të informatave!
O Allah! Ma bëj studimin të lehtë, më beko kohën dhe mundin dhe mos lejo të më shkon mundi kot!
O Allah! Kujdesu dhe ruaji fëmijët e mi, nderoi ata me epërsi në studime, karierë edhe krejt jetën e tyre! Jepu bereqet në mendjet dhe punimet e tyre! Mbill tek ata dashurin e punës dhe veprimeve për të fituar Kënaqësinë Tënde dhe realizoju gjërat që i dëshirojnë me Dhuntitë dhe Fisnikërinë Tënde!
O Allah! Forco zemrat e fëmijëve të mi në iman, furnizoi me dituri të dobishme dhe me vepra të mira!
O Allah! Jepu epërsi vazhdimisht në jetën e tyre, beko mendjet dhe kohën e tyre, mjaftoi me hallallin nga harami, me dhuntitë Tuaja nga çdo gjë tjetër veç Teje dhe mbroi nga çdo e keqe, Ti që vazhdimisht na jep Dhuntitë Tuaja!
O Allah! Lehtësoja fëmijëve të mi rrugën e studimeve, hapu atyre diapazonet e diturisë, ndihmoi në përqëndrim dhe kuptim dhe jepu sukses në realizimin e ëndrrave të tyre!
O Allah! Bëji ata robër Tu të suksesshëm në dynja dhe ahiret, dhe mbroi nga çdo zili dhe e keqe, Ti që je më i mëshirshmi Mëshirues!
Allahumme Amin!
Es-Selamu Alejkum Ju paraqesim videon e radhës nga AUDIONUR, e lusim Allahun (Subhanehu we te’ala) që të kemi dobi nga kjo që ndëgjojmë .
Shpërndajeni …
Burimi
