Një vajzë muslimane në Masaçusets ka marrë qindra letra mbështetëse pas marrjes së letrave kërcënuese në shkollën e saj fillore.
Filiali i Këshillit mbi Marrëdhëniet Amerikano-Islamike ne Massachusetts tha se që nga e enjtja, kishte marrë më shumë se 500 letra nga mbarë vendi për 10-vjeçaren.
Vajza,emrin e së cilës zyrtarët nuk e kanë treguar, është në klasën e pestë në Shkollën Fillore “Hemenway ” në Framingham, rreth 40 kilometra në perëndim të Bostonit.
Zyrtarët e shkollës thonë se ajo ka marrë shënime kërcënuese në dollapin e saj në klasë, dy raste këtë muaj. Një shënim shkruante: “Ti je terroriste”. Ndersa tjetri “Unë do t’ju vras.”
Sumaiya Zama, drejtoresha e avokimit të komunitetit të zyres së Massachusetts, tha se ajo është “tepër e lumtur” nga mbështetja e madhe, veçanërisht “mesazhet e fuqishme” të njerëzve të besimeve të ndryshme.
“Pavarësisht klimës së armiqësisë dhe frikës me te cilen shumë myslimanë përballen sot, është e qartë se kemi aleatë,” tha ajo në një deklaratë.
Zyrtarët e shkolles, të cilët kishin dënuar kërcënimet në atë kohë duke thenë që fajtori të tregonte veten, nuk komentuan të enjten. Policia e Framingham tha se rasti është ende aktiv.
Xhaxhai i vajzës, Jamaal Siddiqui , tha në një konferencë shtypi, pasi u zbuluan shënimet, se përvoja e frikësonte mbesën e tij.
“Ajo është e frikësuar,” tha ai në atë kohë. “Ajo ka të drejtë të frikësohet”.
Këshilli i inkurajoi njerëzit që t’i dërgonin letra vajzës për t’ju “kundërvënë mesazhit urrejtës”.
Që atëherë, letrat jane derdhur lum në më shumë se 20 shtete, përfshirë Hawaiun, tha këshilli.
Një mostër e shënimeve të siguruara nga këshilli tregojnë mesazhe me dorë me ilustrime shumëngjyrëshe dhe dizajne të gëzueshme.
Një shënim nga një 6-vjeçare e quajtur Sophie tregon një ilustrim të dy njerëzve të racave të ndryshme që mbajnë duart dhe qeshin. Ajo thotë: «I dashur mik, njerëzit e të gjitha feve duhet të jenë miq.»
Një mesazh tjetër, nga Mary B. në Springfield, Massachusetts, është shkruar një letër shumëngjyrëshe me zemra rreth saj: “Ju jeni dashuri, ju i përkisni”.
Dhe familja Cade shkroi në një shënim që përfshinte një vizatim të një peme, lule dhe perime: “Një familje hebreje nga Maryland ju dërgon dashuri dhe mbështetje.
Këshilli tha se planifikon t’ja dërgojë mesazhet familjes së vajzës javën e ardhshme.
Rrethet shkollore në Masaçusets jane perballuar me një rritje të akteve fanatike këtë vit.
Në periferinë e Reading të Bostonit, zyrtarët kanë raportuar më shumë se dy duzina rastesh të svatikave naziste dhe grafiteve të tjera urrejtëse që synojnë minoritetet që nga maji./ dailysabah
