Ministri i Jashtëm rus, Sergei Lavrov deklaroi se ofrimi i azilit politik për presidentin sirian, Beshar al-Esad, kishte qenë shaka.
Pas bisedimeve në Moskë me homologun e tij gjerman, Guido Westerwelle, Lavrov tregoi se kjo ide kishte filluar në një takim në Berlin më 1 qershor mes Presidentit, Vladimir Putin dhe Kancelares gjermane, Angela Merkel.
“Menduam se ishte një shaka dhe kështu iu përgjigjëm me një shaka, ç’mendoni ju gjermanët? Po ju a do ta prisnit Presidentin Esad?”, deklaroi Lavrov.
“Mendova çdo gjë do të përfundonte me aq, me atë shaka”, veçoi Lavrov duke shtuar se ishte i habitur që mendimi u përsërit në kontaktet e fundit me partnerët e tij të huaj.
“Kur rifolëm për Sirinë, dëgjova se ishin të bindur se ne do ta prisnim Esadin dhe se do të zgjidhnim të gjitha problemet e popullit sirian”, theksoi ministri rus./trt/kohaislame
