Kahn Design britanik dhe Chelsea Truck Company e tyre këtë javë e prezantojnë edhe një Land Rover Defender të modifikuar.
Emr i plotë i këtij automjeti, transmeton Koha.net është Land Rover Defender 2.2 TDCI 110 Double Cab Pick Up – Chelsea Wide Track.
Fjala është për automjetin terreni me ngjyrë Aintree Green me hapje anësore për lirimin gazrave nga tuba të pandryshkur, mbrojtës të parë me drita ditore, me dritat e përparme shadow chrome , me maskën X-Lander.
Automobili ka po ashtu mbrojtës të zgjeruar, kapak nga çeliku i pandryshkur, kapak për rrotën rezervë, rrota 20 inç Mondial me ngjyrë Volcanic Black, frerë me ngjyrë sipas dëshirës së blerësit, ulëse sportive, Sports GTB me lëkurë të zezë, timonin me lëkurë Kahn, pedale dhe dysheme të re si dhe me orë Churchilli.
