50 kompanitë me xhiron më të lartë në vend qarkulluan gjatë vitit 2018 rreth 822 miliardë lekë.
Xhiro maksimale arriti në mbi 62 miliardë lekë dhe minimalja në mbi 6 miliardë lekë.
Por kush i qarkullon këto para?
Referuar të dhënave zyrtare të Drejtorisë së Përgjithshme të Tatimeve, scan tv shkruan se, rezulton se 27 kompanitë të përfshira në 50-shen me xhiron më të lartë, janë me pronësi shqiptare.
19 prej tyre janë me pronësi të huaj por që ushtrojnë aktivitet në vendin tonë dhe 4 kompani janë me pronësi të përbashkët shqiptaro-të huaj.
Sektorët që xhirojnë më shumë para janë 5. Tregtia zë vendin e parë me 20 kompani, prodhimi renditet në vendin e dytë me 12 kompani, shërbimet po ashtu, ku listohen 10 kompani, ndërtimi dhe transporti.
