Kënga ‘Pushka e Lirisë’ të cilën e interpreton reperi nga Presheva Gold AG dhe Hysni Klinaku është bërë temë e mediave kosovare dhe serbe.
Kjo pasi që dje Prefekti i Mitrovicës Veriore, Goran Rakiq tha se kjo këngë nuk duhet transmetuar pasi që edhe teksti edhe kënga janë me përmbatje jo reale, gjë të cilën reperi Gold AG në Indeksonline e sqaroi për publikun e gjerë se kënga nuk ka të bëj me serbë por është këngë për dëshmorin Zahir Pajaziti.
Por, në gazetat e Serbisë, reperi Gold AG po qëndron në ballinë. Në gazetën ‘Nase novine’ me titullin ‘Reperi shqiptar i vret policët serb’. E me titull të njëjtë është paraqitur edhe në gazetën ‘Novosti’.
Të dy këto gazeta i ka përqeshur reperi në rrjetet sociale. /Indeksonline/
