Përveç nepotizmit të theksuar, mbi 10 mijë euro i kanë harxhuar për kafe turke e mbi 8 mijë të tjera për sallata e qebapë. Më shumë se 28 mijë euro i kanë shpenzuar në telefon e mbi 26 mijë të tjera për mëditje e beneficione. Këto janë vetëm pak nga të gjeturat në Komunën e Fushë Kosovës për vitin 2011.
Krejt çfarë mund të thuhet për atë që ndodh në Komunën e Fushë Kosovës, mund të përmblidhet me një fjalë-maskarallëk.
Në këtë komunë ka nepotizëm, harxhime pa lidhje e keqpërdorime të shumta, shkruan Express
Në raportin e Institutit GAP për këtë komunë ka gjithçka, por më së paku gjëra të hairit.
Sipas të gjeturave, Komuna e Fushë Kosovës gjatë vitit 2011 ka shpenzuar 10 mijë e 150 euro vetëm në bufenë e vet për të pirë kafe turke, makiato e çaj.
Pjesa dërrmuese e këtyre shpenzimeve është bërë veç për kafe turke.
E nëse shikohet se kush mund të pijë në llogari të buxhetit të Komunës, atëherë të krijohet përshtypja se ata vetëm hanë.
“Shërbimet e bufesë që mbulohen nga paratë e buxhetit vlejnë vetëm për zyrtarët e lartë të një institucioni, te rasti i komunave mund të hynë Kryetari, Nënkryetari, Kryesuesi i Kuvendit, drejtorët e drejtorive dhe eventualisht shefat e zyrave si shefi i prokurimit dhe shefi i zyrës së auditivit”, shkruan në dokument.kohaislame
