Sateliti artificial i Koresë së Veriut që u lëshua të mërkurën, me sa duket, nuk kontrollohet nga Toka. Kjo u njoftua sot nga një përfaqësues i Komandës së Forcave të Armatosura të SHBA-ve.
Shërbimet amerikane të zbulimit nuk kanë arritur të regjistrojnë ndonjë shkëmbim informacioni ndërmjet këtij objekti kozmik dhe Tokës. Përfaqësuesi i Komandës ushtarake amerikane nuk e quajti atë satelit, por përdori fjalën “objekt”.
Aktualisht nuk ka asnjë kërcënim të rënies së satelitit nga orbita e Tokës, por në përgjithësi fluturimi i tij të jep përshtypje të paqëndrueshme. SHBA-të do të vazhdojnë të monitorojë objektin.
