Forcat e sigurisë së Egjiptit kanë hyrë në një xhami në kryeqytetin Kajro, e cila gjatë natës ishte mbushur përplot me protestuesit.
Sipas raporteve, mbrëmë vonë forcat e sigurisë depërtuan në xhaminë Al-Fateh, ku po qëndronin qindra mbështetës të Vëllazërisë Myslimane, pas përleshjeve vdekjeprurëse ditën e Premte, nga të cilat u vranë më se 173 njerëz, transmeton REL.
AFP raporton se Ministria e brendshme e Egjiptit ka njoftuar se më se një mijë mbështetës të Vëllazërisë Myslimane ishin arrestuar ditën e Premte.
Trazirat e fundit u bënë në kluadër të protestës së ashtuquajtur “Zemërimi i së Premtes”, që ishte shpallur nga Vëllazëria Myslimane në shenjë të reagimit për vdekjen e më se 2500 njerëzve ditën e Mërkurë, derisa forcat e sigurisë i kishin shkatërruar dy kampe protestuese/
