Nga Jemeni raportohet se së paku 60 vetë janë vrarë në një kompleks të burgut nga sulmet ajrore të kryera nga koalicioni i udhëhequr nga Arabia Saudite.
Zyrtarët mjekësorë dhe ata të sigurisë thanë se sulmet e mbrëmshme e kanë goditur selinë e sigurisë në kompleksin al-Zaydiya, në qytetin perëndimor, Hudaydah.
Ky qytet-port është nën kontroll të kryengritësve shiitë huthi, të cilët prej vitit 2014 luftojnë kundër qeverisë së Jemenit.
Thuhet se në mesin e të vrarëve ka të burgosur dhe kryengritës.
Disa orë më herët, aeroplanët luftarakë i kanë bombarduar civilët në qytetin perëndimor, Taiz, duke i vrarë së paku 15 vetë, kanë raportuar banorët.
