Shefi ekzekutiv i Amazon, Jeff Bezos, i beson zemrës dhe intuitës kur është fjala për marrjen e vendimeve.
Duke folur të enjten në Klubin Ekonomik të Uashingtonit, Bezos përshkroi qëndrimin e tij ndaj vendimeve të biznesit.
“Unë besoj në fuqinë e endjes,” tha ai.
“Të gjitha vendimet e mia më të mira në biznes dhe në jetë janë bërë me zemër, intuitë, guxim … jo me analiza.
“Nëse ju mund të merrni një vendim me analiza, ju duhet ta bëni këtë, por në jetë shumica e vendimeve tuaja më të rëndësishme bëhen gjithmonë me instinkt dhe intuitë, shije, zemër”.
Bezos foli më specifikisht për suksesin e Amazon, duke përmendur kujdesin e klientit si gurthemelin e tij. “Çelësi i suksesit të Amazon […] gjëja numër një që na ka bërë të suksesshëm deri tani është fokusi obsesiv ndaj klientit dhe jo krahasimi apo obsesionimi mbi konkurrentin”.
Amazon aktualisht ka rreth 500,000 punonjës, por Bezos tha se ai ende kujton me zell kur Amazon ishte ende i vogël dhe kishte 10 punonjës. “Është e vështirë ta kujtoni ju, por për mua është sikur dje kur po i dërgoja paketat në zyrën postare, dhe shpresoja që një ditë ne mund të blenim një makinë për bartjen e paketave”.
“Më pëlqen t’i trajtoj gjërat sikur të ishin të vogla, ti e di Amazonin edhe pse është një kompani e madhe, dua që ajo të ketë zemrën dhe frymën e një kompanie të vogël”.
