Policia e Kosovës gjatë ditës së sotme, ka arrestuar një kamerier lidhur me vrasjen rojtarit në qendrën tregtare “Albi Mall” në periferi të Prishtinës.
Por avokati mbrojtës i të dyshuarit, Asdren Hoxha, ka thënë për Indeksonline se e vetmja provë e Policisë është se klienti i tij ka ushtruar profesionin e kamerierit në “Albi Mall”.
Hoxha ka shtuar se nuk është aspak e vërtetë, që klienti i tij të jetë konstatuar si autor i vrasjes në bazë të të dhënave të ADN-në së çamçakëzit.
“Klienti im nuk është autor i vrasjes, as nuk ka qenë ndonjë çamçakëz si provë kundër tij. Mbrojtja do që të sqarojë se klienti im është akuzuar për vepër penale për vjedhje grabitqare me pasoja fatale”.
