Ushtria izraelite në Bregun Perëndimor ka arrestuar njërin nga liderët e Hamasit, deputetin Hasan Jusuf, raporton Anadolu Agency (AA).
I biri i deputetit Hasan Jusuf, Uvejs Jusuf në një deklaratë për gazetarin e AA-së tha se ushtarët izraelitë në orët e mëngjesit kanë kryer bastisje në shtëpinë e tyre në Ramallah dhe se kanë arrestuar babanë e tij.
Izraeli nuk dha deklarata lidhur me rastin.
57 vjeçari Jusuf, i cili është njëri nga liderët e rëndësishëm të Hamasit në Bregun Perëndimor, në të njëjtën kohë është anëtar i Kuvendit Legjislativ të Palestinës.
