Zyrtarët policorë dhe mjekësorë thonë se nga të shtënat dhe sulmet me bomba në Bagdad dhe në qytetet e tjera irakiane, gjatë ditës së shtunë, janë vrarë së paku 17 vetë.
Sulmi me më së shumti të vrarë ishte ai në kryeqytetin Bagdad, ku nga shpërthimi i dy bombave në një treg në një lagje me popullatë shumicë shiite myslimane, u vranë së paku 11 vetë dhe u plagosën më se 10 të tjerë.
Raportohet se bombat, që eksploduan brenda një kohe të shkurtër prej një minute, duket se kishin për qëllim frikësimin e shiitëve irakianë, që shpeshherë janë cak i sulmeve nga kryengritësit myslimanë sunitë.
Numri i të vrarëve nga të shtënat dhe sulmet e djeshme me bomba ishte më i larti prej 30 shtatorit, kur në gjithë Irakun u vranë së paku 26 vetë dhe më se 100 të tjerë ishin plagosur.
